ബെഹ്‌റയും സന്ധ്യയും ഗൂഢാലോചന നടത്തിയതിന് തന്റെ പക്കല്‍ ശാസ്ത്രീയ തെളിവുകള്‍ ഉള്‍പ്പെടെയുണ്ടെന്നും കേസില്‍ തനിക്കെതിരെ ഉയര്‍ന്നിട്ടുള്ള ആരോപണങ്ങള്‍ ശരിയല്ലെന്നും ശരിയായ അന്വേഷണം നടത്തിട്ടില്ലെന്നും കത്തില്‍ ദിലീപ് ആരോപിക്കുന്നു.
കേസില്‍ മുഖ്യപ്രതിയായി ജയിലില്‍ കിടക്കുന്ന പള്‍സര്‍ സുനി തന്നെ ബ്ലാക്ക്‌മെയില്‍ ചെയ്തുവെന്ന് ചൂണ്ടിക്കാട്ടി പരാതിയുമായി എത്തിയ തന്നെ ഒടുവില്‍ പ്രതിയാക്കി മാറ്റുകയായിരുന്നു. അന്ന് എല്ലാ വിവരങ്ങളും ലോക്‌നാഥ് ബെഹ്‌റയെ അറിയിച്ചിരുന്നുവെന്നും എന്നാല്‍, പദവിക്ക് യോജിക്കാത്ത പ്രവര്‍ത്തനമാണ് ബെഹ്‌റയില്‍ നിന്നും ഉണ്ടായതെന്നും ദിലീപ് പറയുന്നു.
കേസില്‍ ദിലീപിനെതിരെ ഉന്നയിക്കുന്ന ഗൂഢാലോചന കേസ് പോലീസ് കണ്ടെത്തിയിരിക്കുന്നത് നാല് ദിവസങ്ങളില്‍ നാലു സമയങ്ങളിലാണ്. അതുകൊണ്ടു തന്നെ പ്രതിഭാഗം ഉന്നയിക്കാനിടയുള്ള ആലബൈ വാദത്തിന് കുറ്റപത്രത്തില്‍ തന്നെ പോലീസ് പാഠദേദം ഒരുക്കും. ഇന്ത്യന്‍ തെളിവുനിയമത്തിലെ 11-ാം വകുപ്പ് അനുസരിച്ച് പ്രതിക്ക് നിരപരാധിത്വം തെളിയിക്കാനുള്ള ഏറ്റവും ഫലപ്രദമായ മാര്‍ഗമാണ് ആലബൈ. കുറ്റകൃത്യം നടക്കുന്ന സമയത്ത് പ്രതി സംഭവ സ്ഥലത്ത് ഉണ്ടായിരുന്നില്ലെന്ന് തെളിയിക്കുന്ന രീതിയാണ് ഇത്.
0 Comments