കേസിലെ പ്രധാന തെളിവുകള്‍ നശിപ്പിച്ച പ്രാദേശിക പോലീസുദ്യോഗസ്ഥര്‍ക്ക് തുകയുടെ ഒരുഭാഗം നല്‍കിയതായി വെളിപ്പെടുത്തിയിട്ടുണ്ട്. കേസ് ഒതുക്കിതീര്‍ക്കാന്‍ ഹിരാനഗറിലെ എസ്‌ഐ, കേസ് ക്രൈംബ്രാഞ്ചിന് കൈമാറുന്നതിന് മുന്‍പുള്ള അന്വേഷണ ഉദ്യോഗസ്ഥന്‍ ആനന്ദ് ദത്ത എന്നിവര്‍ക്ക് നാലു മുതല്‍ അഞ്ചു ലക്ഷം രൂപവരെ നല്‍കി സ്വാധീനിക്കാന്‍ ശ്രമിച്ചുവെന്നുമാണ് വെളിപ്പെടുത്തല്‍.
പണം വാഗ്ദാനം ചെയ്യപ്പെട്ടതോടെ എസ്‌ഐ തെളിവു നശിപ്പിക്കാന്‍ ശ്രമിക്കുകയും കുറ്റവാളികളെ സംരക്ഷിക്കുന്നതിനു വേണ്ട തെറ്റായ തെളിവുകള്‍ ഉണ്ടാക്കുകയും ചെയ്തു.
സഹോദരി ത്രിപത ദേവിയെ ഉപയോഗിച്ച് ഹെഡ് കോണ്‍സ്റ്റബിള്‍ തിലക് രാജിന് ഒന്നരലക്ഷം രൂപയും സഞ്ജി കൈമാറി. സഞ്ജി തന്റെ കൈയ്യിലുണ്ടായിരുന്ന വലിയൊരു തുക ഒളിപ്പിച്ചു വെച്ചിരുന്നതായി അന്വേഷണ ഉദ്യോഗസ്ഥര്‍ കണ്ടെത്തി.
0 Comments