അറിയാനായി ഓഫീസിലേക്ക് വിളിച്ചാൽ ഫോൺ അറ്റൻഡ് ചെയ്യുകയും ഡിസ്കണക്ട് ചെയ്യുന്നതും ഒരുമിച്ചാണെന്നാണ് നാട്ടുകാരുടെ പരാതി. ഉപഭോക്താക്കളുടെ ഫോൺ കൃത്യമായി എടുക്കുകയും അവരുടെ പ്രശ്നങ്ങൾ അറിയുകയും വേണ്ടി വന്നാൽ പരാതി രജിസ്റ്റർ ചെയ്യുകയും ചെയ്യേണ്ട ഉദ്യോഗസ്ഥർ ഉപഭോക്താക്കളുടെ പരാതി കേൾക്കാനുള്ള സന്മനസ്സു പോലും കാണിക്കാറില്ല എന്നതാണ് വാസ്തവം. എന്ത് കൊണ്ടാണ് വൈദ്യുതി ഇല്ലാത്തതു എന്നും, എപ്പോൾ വരുമെന്നുമുള്ള കാര്യങ്ങൾ അറിയാനായി വിളിച്ചാൽ വരുമ്പോൾ വരും. നിങ്ങൾ അറിയേണ്ട കാര്യമില്ല എന്ന ധിക്കാരപരമായ മറുപടി വരെ പലർക്കും കേൾക്കേണ്ടി വന്നിട്ടുണ്ട് എന്നതാണ് വാസ്തവം . സെക്ഷന് കീഴിലുള്ള വീടുകളിലെ ഭൂരിഭാഗം കുടുംബ നാഥന്മാരും പ്രവാസികളാണ് . അത് കൊണ്ട് തന്നെ കാര്യങ്ങൾ അറിയാനായി വിളിക്കുന്ന വീട്ടമ്മമാരെ ടെക്നിക്കൽ വാക്കുകൾ പറഞ്ഞു കൊണ്ട് ഇളിഭ്യരാക്കുന്നതായും പരാതി ഉണ്ട് .
ചിത്താരി കെ .എസ് .ഇ .ബി ഉദ്യോഗസ്ഥരുടെ അലംഭാവത്തിനെതിരെ വ്യാപക പരാതി ഉയരുന്ന സാഹചര്യത്തിൽ ഐ .എൻ .എൽ അജാനൂർ പഞ്ചായത്ത് കമ്മിറ്റി അസിസ്റ്റന്റ് എൻജിനീയർക്കു പരാതി നൽകി . ഓഫീസിലെ ഇൻഫർമേഷൻ വിഭാഗത്തിന്റെ ഉദ്യോഗസ്ഥരുടെ കാര്യക്ഷമത ഉറപ്പു വരുത്തണമെന്നും , അല്ലാത്ത പക്ഷം സമര പരിപാടികളുമായി മുന്നോട്ട് പോകുമെന്നും പരാതിയിൽ ഉന്നയിച്ചു . ഐ .എൻ .എൽ ജില്ല സെക്രട്ടറി റിയാസ് അമലടുക്കം, അജാനൂർ പഞ്ചായത്ത് പ്രസിഡന്റ് പാറക്കെട്ട് കുഞ്ഞഹമ്മദ് ഹാജി , സെക്രട്ടറി കെ .സി .മുഹമ്മദ് കുഞ്ഞി , ചിത്താരി ശാഖാ സെക്രട്ടറി എ .കെ .അബ്ദുൽ ഖാദർ , ഐ .എം .സി .സി നേതാക്കളായ ഫസൽ ചിത്താരി , ശിഹാബ് ചിത്താരി തുടങ്ങിയവർ സംബന്ധിച്ചു.
0 Comments