പി.ബി അബ്​ദുൽ റസാഖ്​ എം.എൽ.എ നിര്യാതനായി

മഞ്ചേശ്വരം: കാസർകോട്​ മ​േഞ്ചശ്വരം എം.എൽ.എ. പി.ബി. അബ്ദുൽ റസാഖ്(63) നിര്യാതനായി. ഇന്ന്​ പുലർച്ചെ കാസർകോട് കെയർവെൽ ആശുപത്രിയിൽ വെച്ചാണ് അന്ത്യം. ഹൃദയസംബന്ധമായ അസുഖത്തെ തുടർന്ന്​ ചികിത്​സയിലായിരുന്നു. ഖബറടക്കം  വൈകീട്ട്​ അഞ്ചിന്​ ആലമ്പാടി ജുമാമസ്​ജിദ്​ ഖബറിസ്ഥാനിൽ.

മുസ്​ലിംലീഗ്​ എം.എൽ.എയായിരുന്ന അബ്​ദുൽ റസാഖ്​ 2011 മുതൽ മഞ്ചേശ്വരത്തെ പ്രതിനിധീകരിക്കുന്നുണ്ട്​. നിലവിൽ മുസ്​ലിം ലീഗ്​ ദേശീയ എക്​സിക്യൂട്ടീവ്​ അംഗമാണ്​.

​യൂത്ത്​ ലീഗിലുടെയാണ്​ അദ്ദേഹം പൊതുപ്രവർത്തനത്തിന്​ തുടക്കം കുറിച്ചത്​. ചെങ്കള ഗ്രാമപഞ്ചായത്ത്​ പ്രസിഡൻറ്​, കാസർഗോഡ്​ ജില്ലാ പഞ്ചായത്ത്​ പ്രസിഡൻറ്​ തുടങ്ങിയ പദവികളും വഹിച്ചിട്ടുണ്ട്​. 2016ലെ മഞ്ചേശ്വരം നിയമസഭ തെരഞ്ഞെടുപ്പുമായി ബന്ധപ്പെട്ട്​ കെ.സുരേന്ദ്രൻ നൽകിയ കേസ്​ ഇപ്പോഴും കോടതിയിൽ നില നിൽക്കുന്നുണ്ട്​.