വനിതാ മതിലിന് പോയില്ല: ബസിന് നേരെ കല്ലേറ്

പാലക്കാട് : വനിതാ മതിലിന് സർവീസ് നടത്താൻ വിസമ്മതിച്ചതിന് ബസിന് നേരെ കല്ലേറുണ്ടായതായി പരാതി. പാലക്കാട് കൊല്ലങ്കോട്ട് ഇന്ന് രാവിലെയാണ് സംഭവം. തൃശ്ശൂർ-ഗോവിന്ദപുരം റൂട്ടിലോടുന്ന ബസിന് നേരെയാണ് കല്ലേറുണ്ടായത്.

ബസ് നിർത്തിയിട്ടിരുന്ന സമയത്തായിരുന്നു ആക്രമണം. മുൻഗ്ലാസ് പൂർണ്ണമായും എറിഞ്ഞു തകർത്തിട്ടുണ്ട്. വനിതാ മതിലിന് സർവീസ് നടത്താൻ വിസമ്മതിച്ചാണ് കല്ലേറിന് കാരണമെന്നാണ് ബസുടമയുടെ ആരോപണം. ഇത് ചൂണ്ടിക്കാട്ടി ഇയാൾ പരാതി നൽകിയിട്ടുണ്ട്.