പാപ്പാന്റെ ചെരുപ്പ് തുമ്പിക്കൈയ് കൊണ്ടെടുത്ത് ഏറെ നേരം കൊമ്പിനോട് ചേര്ത്തു പിടിച്ച് നിന്നത് കണ്ടു നിന്നവരുടെയും കണ്ണ് നിറച്ചു. ഇടയ്ക്ക് പിടിവിട്ട് തഴെ വീണു പോയ ചെരുപ്പ് ആന വീണ്ടും തുമ്പിക്കൈ കൊണ്ടെടുത്ത് ചേര്ത്ത് പിടിക്കുകയായിരുന്നു. ഇതിനിടെ മറ്റൊരു പാപ്പാന് ചെരുപ്പ് മാറ്റാന് ശ്രമിച്ചെങ്കിലും ഭാരത് വിശ്വനാഥന് വഴങ്ങിയില്ല.
കഴിഞ്ഞ ദിവസമാണ് ആനയുടെ അടിയില്പ്പെട്ട് അരുണ് പണിക്കര് മരിച്ചത്. കുളിപ്പിക്കാനായി ആനയോട് കിടക്കാന് നിര്ദ്ദേശിച്ച ശേഷം പിന്നിലേക്ക് മാറിയ അരുണ് തെന്നിവീഴുകയായിരുന്നു. ഇതറിയാതെ അരുണിന് മുകളിലേക്ക് ആന ഇരുന്നു. പാപ്പാന് അടിയില്പ്പെട്ടെന്ന് മനസിലാക്കിയ ഭാരത് വിശ്വനാഥന് മുന് കാലുകള് പൊക്കി മുകളിലേക്ക് ഉയര്ന്നു നില്ക്കാന് ശ്രമിച്ചെങ്കിലും അരുണിന്റെ ജീവന് രക്ഷിക്കാനായില്ല.
ചേര്ത്തല ഇരമല്ലൂര് സ്വദേശിയായ അരുണ് ഒരു വര്ഷം മുന്പാണ് ഭാരത് വിശ്വനാഥന്റെ പാപ്പാനായെത്തിയത്. സരിതയാണ് ഭാര്യ. മക്കള്: അഖില്ദേവ്, അഖില. ഏറെക്കാലമായി പടിഞ്ഞാറെ കല്ലടയിലെ വാടകവീട്ടില് താമസിക്കുകയായിരുന്ന അരുണ് ഭാര്യയുടെ സ്വദേശമായ ചെന്നിത്തലയില് നിര്മ്മിച്ച വീട്ടിലേക്ക് താമസം മാറാന് ഒരുങ്ങുന്നതിനിടെയാണ് അപ്രതീക്ഷിതമായി അപകടമുണ്ടായത്.
0 Comments:
ഒരു അഭിപ്രായം പോസ്റ്റ് ചെയ്യൂ