മണ്ഡലം ലീഗ് ജനറല് സെക്രട്ടറി ചിത്താരി ഫാത്തിമ മഹലിലെ അബ്ദുല് റഹ്മാന് എന്ന വണ് ഫോര് അബ്ദുറഹ്മാന്റെ (50) പരാതിയില് ബാസിത്, ഹമീദ്, ഫൈസല്, കുഞ്ഞിപ്പാത്തു, ഷഹര്ബാന എന്നിവര്ക്കും കണ്ടാലറിയാവുന്ന മൂന്നു പേര്ക്കുമെതിരെയാണ് കേസ്. തന്നെയും എം.പി.ജാഫറിനെയും കൈകൊണ്ടും ആയുധം കൊണ്ടും ദേഹത്തും മുഖത്തും അടിച്ചുവെന്നാണ് പരാതി. പള്ളിക്കര കീക്കാനത്തെ സഫ്വാന്റെ ഭാര്യ ഷഹര്ബാന (26) യുടെ പരാതിയില് അബ്ദുല് റഹ്മാന് ഒന്നും എം.പി.ജാഫര് രണ്ടും പ്രതികളായി പോലീസ് മറ്റൊരുകേസും രജിസ്റ്റര് ചെയ്തു. ഷഹര്ബാനയുടെ പറമ്പിലേക്കുള്ള റോഡ് തുടങ്ങുന്ന സ്ഥലത്തുണ്ടായ സംഘര്ഷത്തിനിടെ മാനഹാനി വരുത്തിയെന്നാണ് കേസ്. ജൂലൈ രണ്ടിന് വൈകുന്നേരം നാലരയോടെ പുതിയകോട്ട ഹോട്ടല് ബേക്കല് ഇന്റര്നാഷണലിനു സമീപമായിരുന്നു സംഘര്ഷം.
0 Comments:
ഒരു അഭിപ്രായം പോസ്റ്റ് ചെയ്യൂ