കാസര്കോട്: നുള്ളിപ്പാടിയിലെ സ്വകാര്യാശുപത്രി ആക്രമിച്ച കേസില് കൊലക്കേസ് പ്രതിയായ ആര് എസ് എസ് പ്രവര്ത്തകനെ പോലീസ് അറസ്റ്റ് ചെയ്തു. നെല്ക്കള കോളനിയിലെ പ്രശാന്തിനെ(27)യാണ് കാസര്കോട് ടൗണ് എസ് ഐ നളിനാക്ഷന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്.തളങ്കരയിലെ ആബിദ് വധക്കേസിലടക്കം പ്രതിയാണ് പ്രശാന്തെന്ന് പോലീസ് പറഞ്ഞു. സെപ്തംബര് 22 ന് രാത്രി 8.30 മണിയോടെയാണ് നുള്ളിപ്പാടിയിലെ സ്വകാര്യാശുപത്രിക്ക് നേരെ ഒരു സംഘം ആക്രമണം അഴിച്ചുവിട്ടത്. സംഭവവുമായി ബന്ധപ്പെട്ട് കൂഡ്ലുവിലെ സന്തോഷി(20)നെ നേരത്തെ പോലീസ് അറസ്റ്റ് ചെയ്തിരുന്നു. കേസിലെ മുഖ്യപ്രതിയായ ബട്ടംപാറയിലെ മഹേഷ് പോലീസിന് പിടികൊടുക്കാതെ ഇപ്പോഴും ഒളിവിലാണ്.
0 Comments:
ഒരു അഭിപ്രായം പോസ്റ്റ് ചെയ്യൂ