മനില (ഫിലിപ്പീന്‍സ്): അഗ്നിഗോളമായി പൊട്ടിത്തെറിക്കാന്‍ ഒരുങ്ങി ഫിലിപ്പീന്‍സിലെ താല്‍ അഗ്നിപര്‍വതം. മണിക്കൂറുകള്‍ക്കമോ ദിവസങ്ങള്‍ക്കകമോ ഭീകരമായ അഗ്നിപര്‍വത സ്‍ഫോടനമുണ്ടാകുമെന്നാണ് ഭയക്കുന്നത്. അഗ്നിപര്‍വതം പൊട്ടി ലാവ ഒഴുകാന്‍ തുടങ്ങിയതോടെ ജാഗ്രതാ നിര്‍ദേശം നല്‍കിയിരിക്കുകയാണ്. ഫിലിപ്പിന്‍സ് തലസ്ഥാനമായ മനിലയില്‍ നിന്ന് 70 കിലോമീറ്റര്‍ അകലെയാണ് താല്‍ അഗ്നിപര്‍വതം.
താല്‍ അഗ്നിപര്‍വതം ഏത് നിമിഷവും പൊട്ടിത്തെറിക്കുമെന്ന സാഹചര്യത്തില്‍ പ്രദേശത്ത് നിന്ന് 8000ത്തിലധികം ആളുകളെ സുരക്ഷിത സ്ഥലങ്ങളിലേക്ക് മാറ്റി. ലാവയൊഴുകാന്‍ തുടങ്ങിയതോടെ സമീപപ്രദേശത്ത് ഇടിമിന്നലും ഭൂചലനവും അനുഭവപ്പെടുന്നുണ്ട്. സമീപ ഗ്രാമങ്ങളില്‍ നിന്നുള്ളവരെ 38 ദുരിതാശ്വാസ കേന്ദ്രങ്ങളിലേക്കാണ് മാറ്റിയത്. സ്ഥിതി അതീവ ഗുരുതരമാണെന്നും ഇനിയും കൂടുതല്‍ ആളുകളെ ദുരിതാശ്വാസ കേന്ദ്രത്തിലേക്ക് മാറ്റേണ്ടി വരുമെന്നാണ് അധികൃതര്‍ പറയുന്നത്.
0 Comments