മഞ്ചേശ്വരം: കര്‍ണാടക ട്രാന്‍സ്‌പോര്‍ട്ട് ബസില്‍ കടത്താന്‍ ശ്രമിച്ച 22 കിലോ കഞ്ചാവ് എക്‌സൈസ് പിടികൂടി.ബുധനാഴ്ച രാവിലെ മഞ്ചേശ്വരം വാമഞ്ചൂര്‍ ചെക്ക്‌പോസ്റ്റിന് സമീപം എക്‌സൈസ് സംഘം നടത്തിയ വാഹന പരിശോധനക്കിടെയാണ് കഞ്ചാവ് കടത്ത് പിടികൂടിയത്. മംഗളൂരുവില്‍ നിന്ന് കാസര്‍കോട് ഭാഗത്തേക്ക് വരികയായിരുന്ന കര്‍ണാടക ട്രാസ്‌പോര്‍ട്ട് ബസിലാണ് രണ്ട് ബാഗുകളിലാക്കി സൂക്ഷിച്ച 22 കിലോ കഞ്ചാവ് കണ്ടെത്തിയത്. രണ്ട് കിലോ വീതമുള്ള 11 പാക്കറ്റുകളിലാക്കിയായിരുന്നു കഞ്ചാവ് സൂക്ഷിച്ചിരുന്നത്. എക്‌സൈസ് സി ഐ സച്ചിദാനന്ദന്റെ നേതൃത്വത്തിലായിരുന്നു പരിശോധന. കഞ്ചാവ് കടത്താന്‍ ശ്രമിച്ച ബസ് യാത്രക്കാരന്‍ ഓടി രക്ഷപ്പെട്ടു. ഇയാളെ കുറിച്ച് വ്യക്തമായ സൂചനകള്‍ ലഭിച്ചതായി എക്‌സൈസ് സംഘം അറിയിച്ചു. എക്‌സൈസ് ഇന്‍സ്‌പെക്ടര്‍ വി വി മുരളീധരന്‍, പ്രിവന്റീവ് ഓഫീസര്‍ വി ബാബു, സിവില്‍ എക്‌സൈസ് ഓഫീസര്‍മാരായ ജനാര്‍ദനന്‍, നിതീഷ് വൈക്കത്ത് എന്നിവരും പരിശോധക സംഘത്തിലുണ്ടായിരുന്നു.
0 Comments