കാസര്‍കോട്: കൊറോണ പടരുന്നതിലുള്ള മുന്‍കരുതല്‍ നടപടിയുടെ ഭാഗമായി ബേക്കല്‍ കോട്ടയും കോട്ടയോട് ചേര്‍ന്നുള്ള ബേക്കല്‍ ബീച്ച്, റെഡ് മൂണ്‍ പാര്‍ക്ക് തുടങ്ങിയവയും താല്‍ക്കാലികമായി അടച്ചിടും. ഈ മാസം 31 വരെയായിരിക്കും കോട്ടയും ബീച്ച് പാര്‍ക്കുകളും അടച്ചിടുക. കോട്ട അടച്ചിടുന്നതുമായി ബന്ധപ്പെട്ട് തൃശൂരിലെ കേന്ദ്ര ആര്‍ക്കിയോളജി അധികൃതര്‍ക്ക് ജില്ലാ കലക്ടര്‍ ഡോ. ഡി. സജിത്ത് ബാബു കത്തയച്ചിട്ടുണ്ട്.
ഇന്നു തന്നെ കോട്ടയും പള്ളിക്കര പാര്‍ക്കുകളും അടച്ചിടണമെന്നാണ് നിര്‍ദേശം. ജനങ്ങളുടെ സമ്പര്‍ക്കം പരമാവധി കുറക്കുക എന്ന ഉദ്ദേശ്യ ത്തോടെയാണ് നിയന്ത്രണം. ഇത് സംബന്ധിച്ചുള്ള അറിയിപ്പ് ബന്ധപ്പെട്ടവര്‍ക്ക് നല്‍കിയിട്ടുണ്ടെന്ന് കലക്ടര്‍ അറിയിച്ചു.
0 Comments