LATEST UPDATES

6/recent/ticker-posts

അടിവസ്ത്രത്തില്‍ ഒളിപ്പിച്ച് സ്വര്‍ണം കടത്തി; കണ്ണൂരില്‍ 14 വയസ്സുകാരിയും അമ്മയും പിടിയില്‍

 

കണ്ണൂർ: കണ്ണൂർ വിമാനത്താവളത്തിലൂടെ സ്വർണം കടത്താൻ ശ്രമിച്ച അമ്മയും മകളും പിടിയിൽ. ഷാർജയിൽ നിന്ന് വന്ന പതിനാലുകാരിയും അമ്മയുമാണ് പിടിയിലായതെന്ന് കൊച്ചി കസ്റ്റംസ് കമ്മീഷണറേറ്റ് അറിയിച്ചു. അടിവസ്ത്രത്തിൽ ഒളിപ്പിച്ച് കടത്തിയ 351 ഗ്രാം സ്വർണമാണ് പെൺകുട്ടിയിൽ നിന്ന് പിടിച്ചെടുത്തത്.


ദേഹ പരിശോധനയിലാണ് പെൺകുട്ടിയിൽ നിന്ന് 351 ഗ്രാം സ്വർണം പിടികൂടിയത്. സ്വർണം രണ്ട് ക്യാപ്സൂളുകളാക്കി അടിവസ്ത്രത്തിൽ ഒളിപ്പിച്ചാണ് പെൺകുട്ടിയെ ഉപയോഗിച്ച് സ്വർണം കടത്തിയത്. കുട്ടിയി നിന്നും സ്വർണം കണ്ടെത്തിയതിനെ തുടർന്ന് നടത്തിയ പരിശോധനയിലാണ് അമ്മയിൽ നിന്ന് 142 ഗ്രാം സ്വർണം കൂടി പിടികൂടുന്നതെന്ന് കസ്റ്റംസ് അറിയിച്ചു.


അതേസമയം ഇന്ന് പാലക്കാട് നിന്ന് ട്രെയിനിൽ കടത്തുകയായിരുന്ന പതിനാറ് കിലോ സ്വർണം പടികൂടിയിരുന്നു. ഒലവക്കോട് റെയിൽവേ സ്റ്റേഷനിൽ ആർപിഎഫിന്റെ കുറ്റാന്വേഷണ വിഭാഗമാണ് സ്വർണവേട്ട നടത്തിയത്.


ചെന്നൈ ആലപ്പി എക്സ്പ്രസ്സ് ട്രെയിനിൽ കൊണ്ടുവന്ന സ്വർണമാണ് ആർപിഎഫ് പിടികൂടിയത്. സംഭവവുമായി ബന്ധപ്പെട്ട് തൃശ്ശൂർ ഇടക്കുന്നി സ്വദേശി നിർമേഷ്, കരുമാത്ര സ്വദേശി ഹരികൃഷ്ണൻ , നെന്മക്കര സ്വദേശി ടുബിൻ ടോണി എന്നിവരെ കസ്റ്റഡിയിലെടുത്തിട്ടുണ്ട്.

സ്വർണക്കടത്ത് സംബന്ധിച്ച് കസ്റ്റംസ് അന്വേഷണം ആരംഭിച്ചു.

Post a Comment

0 Comments