കെ.എന്.എ.ഖാദറിനെ ക്ഷണിച്ചത് ദേശീയ വീക്ഷണമുള്ള വ്യക്തി എന്ന നിലയില് ആര്എസ്എസ് സംസ്ഥാന സഹ പ്രചാര് പ്രമുഖ് ഡോ എന്.ആര്.മധു പറഞ്ഞു. കേസരി പരിപാടിക്കു വേണ്ടി താന് തന്നെ നേരിട്ട് ക്ഷണിക്കുകയായിരുന്നു. മാനവീക പക്ഷത്തു നിലയുറപ്പിച്ച ദേശാസ്നേഹിയാണ് കെ.എന്.എ.ഖാദറെന്നും ഡോ.എന്.ആര്.മധു പറഞ്ഞു.
മാനവിക നിലപാടുള്ള വ്യക്തിയാണ് ഖാദര്. ലീഗ് പുറത്താക്കിയാല് ജീവിക്കാന് പറ്റാത്ത സാഹചര്യം കെ.എന്.എ ഖാദറിന് ഉണ്ടാകില്ല. ലീഗിന്റെ രാഷ്ട്രീയത്തില് അഭിപ്രായം പറയുന്നില്ലെന്നും അദ്ദേഹം പറഞ്ഞു.
കെ.എന്.എ ഖാദര് ആര്എസ്എസ് പരിപാടിയില് പങ്കെടുത്തതില് ലീഗ് കടുത്ത അതൃപ്തിയിലാണ്. സംഭവം പാര്ട്ടി നയത്തിന് എതിരാണെന്ന് എം.കെ മുനീര് തുറന്നടിച്ചു. വിഷയം പാര്ട്ടി പരിശോധിക്കുമെന്ന് ലീഗ് സംസ്ഥാന ഉപാധ്യക്ഷന് എം.സി.മായിന് ഹാജി പറഞ്ഞു.
0 Comments