ഉദുമയിൽ ട്രെയിനിൽ നിന്നും തെറിച്ചു വീണ് അഭിഭാഷകൻ മരിച്ചു

 

കാഞ്ഞങ്ങാട്: ഭാര്യക്കും കുടുംബാംഗങ്ങൾക്കൊപ്പം മൂകാംബിക ദർശനം കഴിഞ്ഞ് മടങ്ങുകയായിരുന്ന അഭിഭാഷകൻ ട്രെയിനിൽ നിന്നും പുറത്തേക്ക് തെറിച്ചു വീണ് മരിച്ചു. ഉദുമ ഓവർ ബ്രിഡ്ജിന് സമീപം ഇന്ന് പുലർച്ചെയാണ് അപകടം. തൃശൂർ മണിത്തറയിലെ അഡ്വ.കെ.ആർ.വൽസൻ 78 ആണ് മരിച്ചത്. മഡ്ഗാവ് -എറണാകുളം എക്സ്പ്രസിൽ നിന്നുമാണ് അപകടമുണ്ടായത്. ശുചി മുറിയിലേക്ക് പോകുന്നതിനിടെ അബദ്ധത്തിൽ വീണതാ കാമെന്ന് കരുതുന്നു. ട്രെയിനിലുണ്ടായിരുന്ന ടി ടി ഇ തെറിച്ച് വീഴുന്നത് കണ്ട് ഒപ്പമുണ്ടായിരുന്നവരെ വിവരം അറിയിച്ചു.സ്ത്രികളെ ഇതേ ട്രെയിനിൽ യാത്രയാക്കി ബന്ധു യുവാവ് തൊട്ടടുത്ത സ്റ്റോപ്പിൽ ഇറങ്ങി. ബേക്കൽ എസ് ഐഎം.രജനീഷിൻ്റെ നേതൃത്വത്തിൽ അന്വേഷിച്ചതിൽ മൃതദേഹം പാളത്തിനരികിൽ കണ്ടെത്തുകയായിരുന്നു. മൃതദേഹം ജനറൽ ആശുപത്രിയിലേക്ക് മാറ്റി. എസ്ഐ രാമചന്ദ്രൻ ഇൻക്വസ്റ്റ് നടത്തി.