ഇൻസ്റ്റഗ്രാം പോസ്റ്റിന്റെ പേരിൽ ഭീഷണി; നാലുപേർക്കെതിരെ കേസ്

മഞ്ചേശ്വരം : ഇൻസ്റ്റഗ്രാം പോസ്റ്റിന്റെ പേരിൽ യുവതിയെ ഭീഷണിപ്പെടുത്തിയ നാലംഗ സംഘത്തിനെതിരെ മഞ്ചേശ്വരം പോലീസ് ഐപിസി 153 വകുപ്പുകളടക്കം ചേർത്ത് കേസെടുത്തു. ഉപ്പള മുളിഞ്ച കൊണ്ടയൂരിലെ ധന്യാനന്ദയുടെ മകൾ അന്നപൂർണ്ണയുടെ 21, പരാതിയിലാണ് കേസ്സ്. ജനുവരി 7-മുതൽ 9 വരെ ഉള്ള ദിവസങ്ങളിൽ അന്നപൂർണ്ണ ഇൻസ്റ്റാഗ്രാമിൽ പോസ്റ്റ് ചെയ്ത  ഫോട്ടോയ്ക്കെതിരെയാണ് പവർ ഓഫ് ഹിന്ദൂസ് ഇൻസ്റ്റാഗ്രാം ഗ്രൂപ്പിലെ മെമ്പർമാരായ മുനീഷ് ആചാര്യ, വിജയ് പൂജാരി, ജഗ്ഗുബസ്സവരാജ്, മാന്യ എന്നിവർ ഭീഷണി മുഴക്കിയത്.