ഉദുമ: കോട്ടിക്കുളത്ത് യുവാക്കളെ ഇരുമ്പുവടി കൊണ്ട് മര്‍ദ്ദിച്ചതായി പരാതി. കോട്ടിക്കുളം ജുമാ മസ്ജിദ് റോഡിലെ പള്ളക്കല്‍ ഹൗസില്‍ പിഎ അഹമ്മദ് നിഷാദ് (23), കോട്ടിക്കുളത്തെ ഫലഹ്(24)എന്നിവര്‍ക്കാണ് അക്രമത്തില്‍ പരിക്കേറ്റത്. ഇത്തിഷാം എന്നയാളാണ് ഇവരെ ആക്രമിച്ചത്. സംഭവത്തില്‍ പോലിസ് ഇയാള്‍ക്കെതിരേ കേസെടുത്തു.
കഴിഞ്ഞ ദിവസം വൈകിട്ട് പാലക്കുന്ന് ക്വാളിറ്റി ഹോട്ടലിന് സമീപത്താണ് സംഭവം. ഇത്തിഷാം ഇരുമ്പ് വടി കൊണ്ട് അഹമ്മദ് നിഷാദിന്റെ തലക്കും മുഖത്തും അടിക്കുകയായിരുന്നു. തടയാന്‍ ശ്രമിച്ചപ്പോള്‍ ഫലഹിനെയും ഇരുമ്പുവടി കൊണ്ട് ആക്രമിച്ചു. വിവാഹം മുടക്കിയെന്നാരോപിച്ചാണ് അക്രമം നടത്തിയതെന്നാണ് പരാതിയില്‍ പറയുന്നത്.
0 Comments