എന്നാല്‍ പുതിയ കമ്മിറ്റിയെ പറ്റി ഇതുവരെയും ചിത്രം തെളിഞ്ഞ് വരുന്നില്ല. നിലവിലുള്ള കമ്മിറ്റിയിലെ ട്രഷറര്‍ സ്ഥാനം വഹിക്കുന്ന എ അബ്ദുറഹ്മാന്‍ പുതിയ ജില്ലാ കമ്മിറ്റിയില്‍ പ്രസിഡന്റ്, ജന.സെക്രട്ടറി സ്ഥാനങ്ങളില്‍ കണ്ണ് വെക്കുന്നുണ്ട്. കഴിഞ്ഞ തവണ എം.സി ഖമറുദ്ധീനും എ അബ്ദുറഹ്മാനും ജില്ലാ ജന.സെക്രട്ടറി സ്ഥാന ത്തേക്ക് മല്‍സരിക്കുകയും അവസാനം ഖമറുദ്ധീന്‍ ജയിക്കുകയും ചെയ്യുകയായിരുന്നു. അന്നത്തെ തിര ഞ്ഞെടുപ്പ് വലിയ വിവാദങ്ങളുണ്ടാക്കിയിരുന്നു. പിന്നീട് ട്രഷറര്‍ സ്ഥാനത്തേക്ക് വന്ന സി.ടി അഹമ്മദലിയെ മാറ്റി എ അബ്ദുറഹ്മാനെ തിരഞ്ഞെടുത്ത് അന്ന് സമായവയം സൃഷ്ടിക്കുകയായിരുന്നു. എ അബ്ദുറഹ്മാന്‍ ജന.സെക്രട്ടറി സ്ഥാന ത്തേക്ക് വരുമ്പോള്‍, പ്രസിഡന്റ് ആരാകും എന്ന കാര്യം വലിയ ചര്‍ച്ചയ്ക്ക് വഴി തെളിയിക്കും. http://www.mediaplusnews.com കാഞ്ഞങ്ങാട് മണ്ഡലത്തില്‍ പാര്‍ട്ടിക്കകത്ത് ഉണ്ടായിരുന്ന പടല പിണക്കങ്ങള്‍ തീര്‍ന്നതോട് കൂടി മുന്‍ ജില്ലാ വൈസ് പ്രസിഡണ്ടായിരുന്ന അജാനൂരിലെ എ ഹമീദ് ഹാജിയുടെ പേര് സജീവ പരിഗണനയിലാണ്. നിലവില്‍ മറ്റാരുടെയും പേരുകള്‍ സജീവമായി വന്നിട്ടില്ല. കാഞ്ഞങ്ങാട് മണ്ഡലത്തില്‍ നിന്നും ജില്ലാ ഭാരവാഹിയാവുമെന്ന് പ്രതീക്ഷിച്ചിരുന്ന ബഷീര്‍ വെള്ളിക്കോത്തിനും നിലവിലെ ജോ.സെക്രട്ടറിയായ സി മുഹമ്മദ്‌ കുഞ്ഞിക്കും എ ഹമീദ് ഹാജിയുടെ വരവോട് കൂടി സ്ഥാനം ലഭിക്കില്ലെനാണ് ലീഗിനകത്ത് നിന്നുള്ള വിവരങ്ങള്‍. http://www.mediaplusnews.com നിലവില്‍ സംസ്ഥാന പ്രവര്‍ത്തക സമിതി അംഗമായ മെട്രോ മുഹമ്മദ്‌ ഹാജിക്ക് സംസ്ഥാന കമ്മിറ്റിയില്‍ ഭാരവാഹിത്വം ലഭിക്കാനും സാധ്യത.
നിലവിലെ ജില്ലാ ഭാരവാഹികളായ കെ ഇ എ ബക്കറിനും കല്ലട്ര മാഹിന്‍ ഹാജിക്കും നിലവിലുള്ള സ്ഥാനങ്ങള്‍ നിലനിര്‍ത്തിയേക്കും എന്നും അറിയുന്നു.
0 Comments