ഇന്നലെ രാത്രി 12 ഓടെ ആയിരുന്നു അക്രമണം. രണ്ടു ബൈക്കുകളിലായി എത്തിയ സംഘമാണ് ആക്രമണം നടത്തിയത്. വീട്ടിലുള്ളവര്‍ ഉറങ്ങാന്‍ കിടന്നിരുന്ന സമയത്തായതിനാല്‍ അക്രമികളെ ഇവര്‍ തിരിച്ചറിഞ്ഞില്ല. ഫേസ്ബുക്കിലൂടെ ദുര്‍ഗ മാലതിയാണ് ആക്രമണ വിവരം പുറത്തുവിട്ടത്.
 |
| പ്രതിഷേധസൂചകമായി വരച്ച ദുര്‍ഗ മാലതി വരച്ച ചിത്രം |
ദുര്‍ഗ മാലതിക്കെതിരെ ഫേസ്ബുക്കിലൂടെ വധഭീഷണിയും അസഭ്യവര്‍ഷവും ഉണ്ടായിരുന്നു. തന്റെ മോര്‍ഫ് ചെയ്ത അശ്ശീല ചിത്രങ്ങളും അക്രമികള്‍ പ്രചരിപ്പിക്കുന്നുണ്ടെന്നും ഇവര്‍ പരാതി ഉയര്‍ത്തിയിരുന്നു. എന്നാല്‍ ചിത്രം വരച്ച് പ്രതിഷേധിച്ചതില്‍ മാപ്പു പറയില്ലെന്നും, ഒരു മതത്തിനും എതിരല്ല തന്റെ വരയെന്നും അവര്‍ ഫെയ്‌സ്ബുക്കിലുടെ വ്യക്തമാക്കിയിരുന്നു.
0 Comments