അയിഷെല്‍ ഫൌണ്ടേഷന്റെ കീഴില്‍ അബ്ദുല്‍ ലത്തീഫ് ഉപ്പള നിര്‍മിച്ച് നല്‍കുന്ന ആയിഷ മസ്ജിദ് മെയ് ഏഴിന് പാണക്കാട് സയ്യിദ് അബ്ബാസ് അലി ശിഹാബ് തങ്ങള്‍ ഉദ്ഘാടനം ചെയ്യും

കാസർകോട്: കാരുണ്യ പ്രവർത്തനം ലക്ഷ്യമിട്ട് പ്രമുഖ വ്യവസായി അബ്ദുൽ ലത്തീഫ് ഉപ്പള ഗേറ്റ് രൂപം കൊടുത്ത അയിഷാൽ ഫൌണ്ടേഷന്റെ പ്രഥമ സംരംഭമായി കുക്കാറിൽ നിർമിച്ച ആയിഷ മസ്ജിദ് മെയ് 7ന് വൈകുന്നേരം നാല് മണിക്ക് പാണക്കാട് സയ്യിദ് അബ്ബാസ് അലി ശിഹാബ് തങ്ങൾ ഉദ്ഘാടനം ചെയ്യും. സയ്യിദ് കെ എസ് ആറ്റക്കോയ തങ്ങൾ കുമ്പോൽ പ്രാർത്ഥന നടത്തും, പ്രമുഖ വാഗ്മി അബ്ദുസമദ് സമദാനി അയിഷാൽ ഫൌണ്ടേഷൻ സമർപ്പിക്കും, അബ്ദുൽ ലത്തീഫ് ഉപ്പള ഗേറ്റ് അധ്യക്ഷത വഹിക്കും.
അബ്ദുൽ ലത്തീഫ് ഉപ്പള ഗേറ്റ് അദ്ദേഹത്തിന്റെ മാതാവ് ആയിഷയുടെ സ്മരണാർത്ഥം നിർമിച്ച പള്ളിയാണിത്. ഏകദേശം ഒരുകോടിയോളം രൂപ ചെലവഴിച്ചാണ് കുക്കാർ ജനപ്രിയയിൽ ആയിഷ മസ്ജിദ് നിർമിച്ചിരിക്കുന്നത്. ഉപ്പള കുന്നിൽ മുഹ്യുദ്ധീൻ ജുമാ മസ്ജിദ് പ്രസിടണ്ടായ അബ്ദുൽ ലത്തീഫ് ഉപ്പള ഗേറ്റ് മറ്റ് പല മസ്ജിദുകളുടെയും നിർമ്മാണത്തിൽ പങ്കാളിയായിട്ടുണ്ട്.