ജില്ലാ കമ്മിറ്റിയിലേക്ക് പുതുതായ് തിരഞ്ഞെടുക്കപ്പെട്ട ഭാരവാഹികള്‍ക്കായ് ദേരയിലെ പേള്‍ ക്രീക്ക് ഹോട്ടല്‍ ഓഡിറ്റോറിയത്തില്‍ സംഘടിപ്പിച്ച മീറ്റ് ദ ലീഡേര്‍സ് എന്ന പരിപാടിയില്‍ കാസറകോട് ജില്ലാ പ്രസിഡന്‍റ് അബ്ദുല്ല ആറങ്ങാടി അധ്യക്ഷത വഹിച്ചു.
ആസന്നമായ ലോകസഭാ തിരഞ്ഞെടുപ്പില്‍ തന്നെ പ്രവാസിവോട്ട് യാഥാര്‍ത്ഥ്യമാവുമെന്ന് ഏതാണ്ട് ഉറപ്പായിരിക്കുകയാണ്. കെ എം സി സിയുടെ താഴെതട്ടിലുള്ള കമ്മിറ്റികള്‍ തൊട്ട് തന്നെ യു ഡി എഫ് വോട്ടര്‍മാരെ കണ്ടെത്താനും പ്രവാസിവോട്ടര്‍ ലീസ്റ്റില്‍ പേര് ചേര്‍ക്കാനുമുള്ള പ്രവര്‍ത്തനങ്ങള്‍ക്ക് മുന്നിട്ടിറങ്ങണം. കെ എം സി സിയുടെ വിവിധ ഘടകങ്ങള്‍ ഇതിനോടൊകം തന്നെ ഈ വിഷയത്തില്‍ ക്യാംപൈനുകള്‍ നടത്തിക്കൊണ്ടിരിക്കുകയാണ്. നമ്മുടെ ജില്ലയെ സംബന്ധിച്ചിടത്തോളം വര്‍ഗ്ഗീയ ഫാസിസത്തിന്‍റെ വേരുകള്‍ വലിയ തോതില്‍ വളരുന്ന മണ്ണാണ്. അത്കൊണ്ട് തന്നെ പ്രവാസിവോട്ടര്‍ ലീസ്റ്റില്‍ പേര് ചേര്‍ക്കാന്‍ കുറേയേറെ പരിശ്രമിക്കേണ്ടതുണ്ട്.
യു ഡി എഫ് വോട്ടര്‍മാര്‍ അനുകൂലരുടേയും മതേതരത്വം കൊതിക്കുന്ന നിക്ഷേപക്ഷ വോട്ടര്‍മാരേയും പ്രവാസിവോട്ടര്‍ലീസ്റ്റില്‍ പേര് ചേര്‍ക്കാന്‍ നാം ശ്രമിക്കണം.
യു എ ഇ സര്‍ക്കാര്‍ പ്രഖ്യാപിച്ച പൊതുമാപ്പ് അവസാനിക്കാന്‍ ഏതാനും ദിവസങ്ങള്‍ മാത്രമാണ് ബാക്കിയുള്ളത്. ഇനിയും രാജ്യത്ത് അനധികൃതമായി തങ്ങുന്നവരോ രേഖകള്‍ ശരിയാക്കാന്‍ ബാക്കിയുള്ളവരോ ഉണ്ടെങ്കില്‍ പൊതുമാപ്പ് പ്രയോജനപ്പെടുത്തണമെന്നും ആവിശ്യമായ രേഖകള്‍ ശരിയാക്കുന്നതിന്ന് കെ എം സി സി ഏര്‍പ്പെടുത്തിയിട്ടുള്ള ഹെല്‍പ്ടെസ്കുമായി ബന്ധപ്പെടമെന്നും ഫോറം ആവിശ്യപ്പെട്ടു.
കൂടുതൽ കാര്യ പ്രാപ്തിയുള്ള പ്രവർത്തനങ്ങളും ജീവകാരുണ്യ പദ്ധതികൾക്കും സാമൂഹിക സാംസ്കാരിക -വിദ്യാഭ്യാസ പ്രവര്‍ത്തനങ്ങള്‍ക്ക് പ്രാമുഖ്യം നല്‍കാനും ജില്ലാ കമ്മിറ്റിക്ക് കീഴിലുള്ള മണ്ഡലം, മുനിസിപ്പൽ, പഞ്ചായത്ത് കമ്മിറ്റികളെ ഏകോപിച്ചുകൊണ്ട് മുസ്ലിം ലീഗ് കമ്മിറ്റി മുഖേന സമൂഹത്തിന്‍റെ താഴെതട്ടില്‍ നിന്ന്തന്നെയുള്ള പ്രവര്‍ത്തനങ്ങള്‍ക്ക് നേതൃത്വം വഹിക്കാനും ജില്ലക്ക് കീഴിലുള്ള മണ്ഡലം കമ്മിറ്റികളിലെ പ്രധാന ഭാരവാഹികളെ ഉള്‍പ്പെടുത്തി സബ് കമ്മിറ്റികള്‍ രൂപീകരിച്ചുകൊണ്ട് പ്രവര്‍ത്തനം ഊര്‍ജ്ജിതമാക്കാനും തീരുമാനിച്ചു.
അനിയന്ത്രിതമായി മാറിക്കൊണ്ടിരിക്കുന്ന സോഷ്യല്‍ മീഡിയകളുടെ ദുരുപയോഗങ്ങള്‍ക്കെതിരേ ജാഗ്രത പാലിക്കാനും സംഘടനാ പരിപാടികളും പാർട്ടി അറിയിപ്പും സന്ദേശവും കൈമാറുന്നതിനു് മാത്രം . ഓൺലൈൻ സംവിധാനം ഉപയോഗപ്പെടുത്തണമെന്നും യോഗം ആവശ്യപ്പെട്ടു.
ഒഫീഷ്യൽ മീറ്റിന് ദുബായ് കെ എം സി സി കാസറകോട് ജില്ലാ ജനറൽ സെക്രട്ടറി സലാം കന്യപ്പാടി സ്വാഗതം പറഞ്ഞു ഒഫീഷ്യൽ ഭാരവാഹികളായ ട്രഷറർ ഹനീഫ് ടി ആർ ,വൈസ് പ്രസിഡ്ന്റുമാരായ മഹ്മൂദ് ഹാജി പൈവളിഗെ, റഷീദ് ഹാജി കല്ലിങ്കൽ,എൻ.സി.മുഹമ്മദ്,അബ്ദുൽ അബ്ദു റഹ്മാൻ ബീച്ചാരക്കടവ്, സലീം ചേരങ്കൈ,റാഫി പള്ളിപ്പുറം,യൂസഫ് മുക്കൂട്,സെക്രട്ടറിമാരായ അഡ്വ.ഇബ്രാഹിം ഖലീൽ, ഹസൈനാർ ബീജന്തടുക്ക, ഷരീഫ് പൈക്ക,സലാം തട്ടാൻചേരി, അബ്ബാസ് കളനാട്, ഫൈസൽ മുഹ്സിൻ,,ഹാഷിം പടിഞ്ഞാർതുടങ്ങിയവർ സംസാരിച്ചു.
ഓർഗനൈസിംഗ് സെക്രട്ടറി അഫ്സൽ മെട്ടമ്മൽ നന്ദി പറഞ്ഞു .
പുതുതായി നിലവിൽ വന്ന ദുബായ് കെ എം സി സി കാസർഗോഡ് ജില്ലാ കമ്മിറ്റിക്കു നേരിട്ടും ഫോണിലും സോഷ്യൽ മീഡിയ വഴിയും അഭിനന്ദനം അറിയിച്ച മുസ്ലിം ലീഗിന്റെയും പോഷക സംഘടനകളുടെയും വിവിധ ഘടകങ്ങൾക്കും നേതാക്കന്മാർക്കും മറ്റും കമ്മിറ്റി നന്ദിയും കടപ്പാടും രേഖപ്പെടുത്തി.
0 Comments