നിര്മ്മാണഘട്ടത്തില് ഇത്രയും ഉയരത്തിലുള്ള പാലത്തിന്റെ പ്രവൃത്തിക്ക് തൊഴിലാളികളെ കിട്ടാനില്ലാത്ത അവസ്ഥ പോലും ഉണ്ടായിരുന്നു. അപകടസാധ്യത കണ്ട് കഴിഞ്ഞ മഴക്കാലത്ത് നിര്മ്മാണം നിര്ത്തിവെക്കാന് സ്ഥലത്തെത്തിയ ചീഫ് എഞ്ചിനീയര് നിര്ദ്ദേശിക്കുകയും ചെയ്തിരുന്നു. ഇത്തരത്തില് ഒരു പാടു വെല്ലുവിളികളെ തരണം ചെയ്താണ് നിര്മ്മാണം നിശ്ചിത സമയപരിധിക്കകം പൂര്ത്തീകരിച്ചതെന്ന് എം എല് എ പറഞ്ഞു.
പാലത്തിന്റെ നിര്മ്മാണം സാഹസികമായി പൂര്ത്തീകരിക്കാനായി പ്രവര്ത്തിച്ച തൊഴിലാളികളേയും എഞ്ചിനീയര്മാരേയും പാലത്തിനും അപ്രോച്ച് റോഡിനുമായി ഭൂമി സൗജന്യമായി വിട്ടുകൊടുത്ത് സ്ഥല ഉടമകളേയും ഇന്നലെ പാലം പരിസരത്ത് സംഘടിപ്പിച്ച ചടങ്ങില് ആദരിച്ചു. പി ഡബ്ല്യുഡി എക്സിക്യൂട്ടീവ് എന്ജിനീയര് പി വിനോദിന്റെ അധ്യക്ഷതയിലായിരുന്നു ചടങ്ങ്. പാലത്തിനു വേണ്ടി കഠിന പ്രയത്നം ചെയ്ത കെ കുഞ്ഞിരാമന് എം എല് എയെ നാട്ടുകാര് പൊന്നാടയണിയിച്ചു. സ്ഥലം സൗജന്യമായി നല്കിയ അമ്പൂഞ്ഞി, കുഞ്ഞിരാമന്, കണ്ണന് വെളിച്ചപ്പാടന്, രാധ എന്നിവരെയും ചടങ്ങില് ആദരിച്ചു. അസിസ്റ്റന്റ് എഞ്ചിനീയര്മാരായ രാജീവന്, ബെന്നി, രമ്യ, നിര്മ്മാണമാരംഭിച്ച ഘട്ടത്തില് എക്സിക്യുട്ടീവ് എഞ്ചിനീയറായിരുന്ന മുഹമ്മദ് ബഷീര്, ജാസ്മിന് കമ്പനി ചെയര്മാന് ടി എ അബ്ദുള്റഹ്മാന്, പാര്ട്ണര്മാരായ മുഹമ്മദ് ജാനിഷ്, മുഹമ്മദ് ജാനിഫ് എന്നിവരും സംബന്ധിച്ചു.
0 Comments:
ഒരു അഭിപ്രായം പോസ്റ്റ് ചെയ്യൂ