ഡിജിറ്റല് ലൈബ്രറി, പഠന ഗവേഷണ കേന്ദ്രം, കോണ്ഫറന്സ് ഹാള്, ഹ്യൂമണ് റിസോഴ്സ് സെന്റര്, സ്റ്റുഡന്റ്സ് ഹോം തുടങ്ങിയ സംവിധാനങ്ങള് കള്ച്ചറല് സെന്ററില് വിഭാവനം ചെയ്തിരുന്നു. പ്രതീകാത്മക ശിലയിടലില് ഇബ്രാഹിം സുലൈമാന് സേട്ടിന്റെ മകനും ഐ.എന്.എല് ദേശീയ പ്രസിഡന്റുമായിരുന്ന പ്രൊഫ.മുഹമ്മദ് സുലൈമാന്റെ സാന്നിധ്യവുമുണ്ടായിരുന്നു.
കേരളത്തില് നിന്ന് പല തവണകളായി മുസ്ലിംലീഗ് ടിക്കറ്റില് മല്സരിച്ച് പാര്ലമെന്റിലെത്തിയ ഇബ്രാഹിം സുലൈമാന് സേട്ട് ബാബരി മസ്ജിദ് പ്രശ്നത്തിലാണ് ഇടഞ്ഞ് ഐ.എന്.എല് രൂപീകരിക്കുന്നത്. ആസ്ഥാന മന്ദിരത്തിനു വേണ്ടി 14 ജില്ലകളില് നിന്നും പ്രവര്ത്തകര് ഫണ്ട് ശേഖരിച്ച് നല്കിയിരുന്നു. ഇതിനു പുറമെ ജി.സി.സി രാഷ്ട്രങ്ങളില് നിന്ന് ഐ.എം.സി.സി പ്രവര്ത്തകരും വന് തുക നല്കി. ഇതിന്റെ വ്യക്തമായ കണക്കുകള് ഇതുവരെ പുറത്തറിയിച്ചിട്ടില്ല. ദേശീയ, സംസ്ഥാന നേതൃത്വത്തിലുള്ള അഹമ്മദ് ദേവര്കോവില്, എ.പി.അബ്ദുല് വഹാബ്, കെ.പി. ഇസ്മാഈല്, ബി.ഹംസ ഹാജി തുടങ്ങിയവരൊന്നും ആസ്ഥാന മന്ദിരത്തെ കുറിച്ച് ഇപ്പോഴൊന്നും പറയുന്നില്ല. സീനിയര് വൈസ് പ്രസിഡന്റ് തൃശൂരിലെ അലവിഹാജിയെന്ന അംബിക്കയെ പോലുള്ളവര് ഇതിനെ ചോദ്യം ചെയ്തുവെങ്കിലും പുറത്താക്കുകയായിരുന്നു.
ഒരു വിഭാഗം ഐ.എന്.എല് നേതാക്കളും പ്രവര്ത്തകരും ആസ്ഥാന മന്ദിര നിര്മാണം വീണ്ടും സജീവമായി ഉയര്ത്തിക്കൊണ്ടു വരികയാണ്. സേട്ടുവിന് ഒരു സ്മാരകമെന്നത് ഇവര്ക്ക് രാഷ്ട്രീയത്തിനപ്പുറമുള്ള വികാരമാണ്.
0 Comments:
ഒരു അഭിപ്രായം പോസ്റ്റ് ചെയ്യൂ