മാണിക്കോത്ത് മിഫ്താഹുൽ ഉലൂം മദ്രസയിൽ പാർലമെന്റ് രീതിയിൽ മദ്രസ ലീഡർ തെരഞ്ഞെടുപ്പ്; മത്സരിക്കുന്ന വിദ്യാർത്ഥികൾ നാമനിർദ്ദേശ പത്രിക സമർപ്പിച്ചു

കാഞ്ഞങ്ങാട് : മാണിക്കോത്ത് മുസ്ലിം ജമാഅത്തിന്റെ കീഴിൽ പ്രവർത്തിക്കുന്ന  മിഫ്താഹുൽ ഉലൂം മദ്രറസയിൽ ഈ വർഷം  പാർലമെന്റ്  രീതിയിൽ    ലീഡർ തെരഞ്ഞെടുപ്പ്. മത്സരിക്കുന്ന വിദ്യാർത്ഥികൾ  നാമനിർദ്ദേശ പത്രിക സമർപ്പിച്ചു.

മദ്രറസ മുഖ്യ ലീഡർ സ്ഥാനാർത്ഥികളായി മുഹമ്മദ് ആശിഖ് എം  (പേന)ചിഹ്നത്തിലും, അബ്‌ദുല്ല എം പി (പുസ്തകം) , മുഹമ്മദ് ആഷിഖ് കെ (ബാഗ്), ഡെപ്യൂട്ടി ലീഡർ സ്ഥാനാർത്ഥികളായി മുഹമ്മദ് പി (ബോർഡ്),
മുഹമ്മദ് എം  മൈത്രി (കസേര), മുഹമ്മദ്  മല്ലമ്പലം  (തൊപ്പി ) തുടങ്ങിയവരാണ് വിവിധ ചിഹ്നത്തിൽ മത്സരിക്കാൻ വേണ്ടി നാമ നിർദ്ദേശ പത്രിക സമർപിച്ചത്.

സദർ മുഅല്ലിം ആദം ദാരിമി, മുഹമ്മദലി യമാനി, സുലൈമാൻ മൗലവി, അയ്യൂബ് മൗലവി തുടങ്ങിയവർ ചേർന്ന് നാമ നിർദ്ദേശ പത്രിക സ്വീകരിച്ചു. ആഗസ്ത് 4 ഞായർ  രാവിലെ 8മണി മുതലാണ്  വേട്ടെടുപ്പ്.