കാസര്‍കോട് : യൂത്ത് കോണ്‍ഗ്രസ് പ്രവര്‍ത്തകരായ പെരിയ കല്ല്യോട്ടെ കൃപേഷിനെയും ശരത്‌ലാലിനെയും വെട്ടിക്കൊലപ്പെടുത്തിയ കേസില്‍ എട്ടാം പ്രതി സുധീഷിന്റെ ജാമ്യാപേക്ഷയില്‍ ഹാജരാകുന്നതിനായി പ്രമുഖ അഭിഭാഷകന്‍ അഡ്വ. ആളൂര്‍ കാസര്‍കോട് ജില്ലാ സെഷന്‍സ് കോടതിയിലെത്തി. തിങ്കളാഴ്ച ഉച്ചയോടെയാണ് അംഗരക്ഷകര്‍ക്കൊപ്പം ആളൂര്‍ കോടതിയിലെത്തിയത്.
ഇരട്ടകൊലപാതകത്തിലെ പ്രതിക്ക് വേണ്ടി ആളൂര്‍ ഹാജരായാല്‍ തടയാന്‍ കോണ്‍ഗ്രസ് പ്രവര്‍ത്തകര്‍എത്തുമെന്ന് പ്രചാരണം ഉണ്ടായിരുന്നു. എന്നാല്‍ തടയാന്‍ ആരും കോടതിയില്‍ എത്തിയില്ല. സുധീഷിന്റെ ജാമ്യാപേക്ഷ പന്ത്രണ്ടാമത്തെ കേസായാണ് കോടതി പരിഗണിക്കുന്നത്. നേരത്തെ ഈ കേസില്‍ ജാമ്യാപേക്ഷ പരിഗണിക്കാന്‍ തീരുമാനിച്ചിരുന്നുവെങ്കിലും ആളൂരിന് മുംബൈയില്‍ ഒരു കേസില്‍ സംബന്ധിക്കുന്നതുകൊണ്ട് ജാമ്യാപേക്ഷ പരിഗണിക്കുന്നത് മാറ്റണമെന്ന് ആളൂരിന്റെ അഭിഭാഷകന്‍ ആവശ്യപ്പെട്ടിരുന്നു. ഇതിന്റെ അടിസ്ഥാനത്തിലാണ് ജാമ്യാപേക്ഷ പരിഗണിക്കുന്നത് തിങ്കളാഴ്ചത്തേക്ക് മാറ്റിയത്.
0 Comments