LATEST UPDATES

6/recent/ticker-posts

വ്യാപക മഴക്ക് സാധ്യത; നാളെ എല്ലാ ജില്ലയിലും യെല്ലോ അലര്‍ട്ട്​

 



തെക്കന്‍ ഒഡിഷക്കും വടക്കന്‍ ആന്ധ്രപ്രദേശിനും മുകളിലായുള്ള ന്യൂനമര്‍ദം, സാധാരണ സ്ഥാനത്തുനിന്ന് തെക്കോട്ടു മാറി സജീവമായ മണ്‍സൂണ്‍ പാത്തി, തെക്കന്‍ ഗുജറാത്ത് തീരം മുതല്‍ വടക്കന്‍ കേരള തീരം വരെയുള്ള ന്യൂനമര്‍ദ പാത്തി എന്നിവയുടെ ഫലമായി സംസ്ഥാനത്ത്​ അടുത്ത അഞ്ചു ദിവസം വ്യാപക മഴക്ക്​ സാധ്യതയെന്ന് കേന്ദ്ര കാലാവസ്ഥ വകുപ്പ്.


ജൂലൈ 13 മുതല്‍ 15 വരെ ഒറ്റപ്പെട്ട ശക്തമായ മഴക്കും സാധ്യതയുണ്ട്.


ചൊവ്വാഴ്ച തൃശൂര്‍, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട്​ ജില്ലകളില്‍ മഞ്ഞ അലര്‍ട്ട്​ പ്രഖ്യാപിച്ചു. ബുധനാഴ്ച എല്ലാ ജില്ലകളിലും വ്യാഴാഴ്ച തിരുവനന്തപുരം, കൊല്ലം ഒഴികെ 12 ജില്ലകളിലും മഞ്ഞ അലര്‍ട്ടുണ്ട്​. വെള്ളിയാഴ്ച മലപ്പുറം, കോഴിക്കോട്, കണ്ണൂര്‍, കാസര്‍കോട്​ ജില്ലകളില്‍ വ്യാപക മഴക്ക്​ സാധ്യത​.


കേരള-ലക്ഷദ്വീപ്-കര്‍ണാടക തീരങ്ങളില്‍ 15 വരെ മത്സ്യബന്ധനത്തിന് പോകാന്‍ പാടില്ല. 45-55 കിലോമീറ്റര്‍ വരെയും ചില അവസരങ്ങളില്‍ മണിക്കൂറില്‍ 65 കിലോമീറ്റര്‍ വേഗത്തിലും ശക്തമായ കാറ്റിനും മോശം കാലാവസ്ഥക്കും സാധ്യത​.


കേരള തീരത്ത് (വിഴിഞ്ഞം മുതല്‍ കാസര്‍കോട്​ വരെ) ചൊവ്വാഴ്ച​ രാത്രി 11.30 വരെ 3.0 മുതല്‍ 3.7 മീറ്റര്‍ വരെ ഉയരത്തില്‍ തിരമാലക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്ര സ്ഥിതി പഠന ഗവേഷണ കേന്ദ്രം അറിയിച്ചു.

Post a Comment

0 Comments