ഐ.എൻ.എൽ വഹാബ് വിഭാഗത്തിൽ പിളർപ്പ്; ആഗസ്റ്റ് 12ന് വിമതപക്ഷ യോഗം

 തൃ​ശൂ​ർ: ഐ.​എ​ൻ.​എ​ല്ലി​ൽ അ​ധി​കാ​ര​ത്ത​ർ​ക്ക​ത്തെ തു​ട​ർ​ന്ന് ഭി​ന്നി​ച്ച് വി​മ​ത​പ​ക്ഷ​മാ​യി മാ​റി​യ എ.​പി. അ​ബ്ദു​ൽ വ​ഹാ​ബ് പ​ക്ഷ​ത്ത് വീ​ണ്ടും ഭി​ന്ന​ത. വ​ഹാ​ബ് പ​ക്ഷ​വു​മാ​യി ഇ​നി സ​ഹ​ക​രി​ക്കി​ല്ലെ​ന്ന് വ്യ​ക്ത​മാ​ക്കി ഒ​രു​വി​ഭാ​ഗം രം​ഗ​ത്തെ​ത്തി. സ​മാ​ന ചി​ന്താ​ഗ​തി​ക്കാ​രു​മാ​യി സ​ഹ​ക​രി​ച്ച് ആ​ഗ​സ്റ്റ് 12ന് ​തി​രു​വ​ന​ന്ത​പു​ര​ത്ത് യോ​ഗം ചേ​രു​മെ​ന്ന് വ​ഹാ​ബ് പ​ക്ഷം വി​ട്ട നേ​താ​ക്ക​ൾ തൃ​ശൂ​രി​ൽ വാ​ർ​ത്ത​സ​മ്മേ​ള​ന​ത്തി​ൽ അ​റി​യി​ച്ചു.

കാസിം ഇരിക്കൂർ, മന്ത്രി അഹമ്മദ് ദേവർകോവിൽ തുടങ്ങിയവരടങ്ങുന്ന ഔദ്യോഗികപക്ഷം പാർട്ടിയെ ഹൈജാക്ക് ചെയ്തെന്ന ആക്ഷേപത്തിന് പിന്നാലെ പരസ്യവിമർശനവുമായി രംഗത്തെത്തിയാണ് എ.പി. അബ്ദുൽ വഹാബിന്റെയും നാസർകോയ തങ്ങളുടെയും നേതൃത്വത്തിൽ വിമതപക്ഷമായി പ്രവർത്തിച്ചുതുടങ്ങിയത്. ഇതിനിെട ചിഹ്നവും പേരും പതാകയുമടക്കമുള്ള അധികാരങ്ങളും കാസിം ഇരിക്കൂർ പക്ഷത്തിന് അവകാശപ്പെട്ടതാണെന്ന് കോടതി വ്യക്തമാക്കിയതോടെ ഇവർ പ്രതിസന്ധിയിലായെങ്കിലും എതിർചേരിയെന്ന നിലയിൽ പ്രവർത്തിക്കുകയായിരുന്നു. ഇതിനിെടയാണ് വിമതപക്ഷത്തുതന്നെ വിള്ളൽ വീണിരിക്കുന്നത്.

തൃ​ശൂ​ർ ജി​ല്ല ക​മ്മി​റ്റി അ​ട​ക്ക​മു​ള്ള ഘ​ട​ക​ങ്ങ​ൾ പൂ​ർ​ണ​മാ​യും വ​ഹാ​ബ് പ​ക്ഷ​ത്തെ കൈ​യൊ​ഴി​ഞ്ഞു. അ​ണി​ക​ളെ വ​ഞ്ചി​ച്ചെ​ന്നാ​ണ് തൃ​ശൂ​ർ ജി​ല്ല ക​മ്മി​റ്റി​യു​ടെ​യും സം​സ്ഥാ​ന നേ​താ​ക്ക​ളു​ടെ​യും ആ​രോ​പ​ണം. നാ​സ​ർ കോ​യ ത​ങ്ങ​ൾ​ക്കും എ.​പി. അ​ബ്ദു​ൽ വ​ഹാ​ബി​നും ഐ.​എ​ൻ.​എ​ൽ പ​രി​പാ​ടി​ക​ളി​ൽ പ​ങ്കെ​ടു​ക്കു​ന്ന​തി​നും ചി​ഹ്നം ഉ​പ​യോ​ഗി​ക്കു​ന്ന​തി​നും വി​ല​ക്ക് വ​ന്ന​തോ​ടെ ആ​ക്ടി​ങ് പ്ര​സി​ഡ​ന്റാ​യി കെ.​പി. ഇ​സ്മാ​യി​ലും ഓ​ർ​ഗ​നൈ​സി​ങ് സെ​ക്ര​ട്ട​റി​യാ​യി എ​ൻ.​കെ. അ​ബ്ദു​ൽ അ​സീ​സു​മാ​യി​രു​ന്നു പ്ര​വ​ർ​ത്തി​ച്ചി​രു​ന്ന​ത്. ഇ​വ​രു​ടെ ഇ​ട​യി​ലെ അ​ധി​കാ​ര​ത്ത​ർ​ക്ക​വും പ​ട​ല​പ്പി​ണ​ക്ക​വു​മാ​ണ് വി​മ​ത​പ​ക്ഷ​ത്തെ​ത​ന്നെ പി​ള​ർ​പ്പി​ലേ​ക്ക് എ​ത്തി​ച്ച​തെ​ന്ന് വ​ഹാ​ബ് പ​ക്ഷം വി​ട്ട​വ​ര്‍ ആ​രോ​പി​ക്കു​ന്നു.