എഡിഎം നവീന് ബാബുവിന്റെ മരണത്തില് സിബിഐ അന്വേഷണം ആവശ്യപ്പെട്ട് ഭാര്യ മഞ്ജുഷ നല്കിയ ഹരജി ഹൈക്കോടതി തള്ളി.എസ്ഐടിയുടെ അന്വേഷണം കണ്ണൂര് റേഞ്ച് ഡിഐജിയുടെ മേല്നോട്ടത്തിലാകണം, റേഞ്ച് ഡിഐജിയുടെ അനുമതിയോടെ മാത്രമേ കേസിന്റെ കുറ്റപത്രം സമര്പ്പിക്കാന് പാടുള്ളൂ എന്നീ നിര്ദേശങ്ങളോടെയാണ് സിബിഐ അന്വേഷിക്കണമെന്ന ആവശ്യം കോടതി തള്ളിയത്. ജസ്റ്റിസ് കൗസര് എടപ്പഗത്തിന്റെ സിംഗിള് ബെഞ്ചാണ് വിധി പറഞ്ഞത . നവീന് ബാബുവിനെ കെട്ടിതൂക്കി കൊലപ്പെടുത്തിയതാണോ എന്നതുള്പ്പടെയുള്ള സാധ്യത തള്ളിക്കളയാനാകില്ലെന്ന് കുടുംബം ഹൈക്കോടതിയില് ചൂണ്ടിക്കാട്ടിയിരുന്നു.
പ്രതിയായ ദിവ്യയെ സര്ക്കാര് സംരക്ഷിക്കുന്നു എന്നും നീതി ലഭിക്കാന് സിബിഐ അന്വേഷണം അനിവാര്യമാണെന്നും കുടുംബം കോടതിയില് ആവശ്യപ്പെട്ടിരുന്നു. എന്നാല് പ്രത്യേക സംഘത്തിന്റെ അന്വേഷണത്തില് വീഴ്ചയില്ലെന്നും സിബിഐ അന്വേഷണം വേണ്ടെന്നുമാണ് സര്ക്കാര് നിലപാട്. .
0 Comments