തച്ചങ്ങാട് വോളി ഫെസ്റ്റ് മുബൈ സ്പൈക്കേഴ്സിനും കെ.എസ്.ഇ.ബിക്കും രണ്ടാം വിജയം

പള്ളിക്കര: രാഷ്ട്രീയ സാമൂഹ്യ സാംസ്കാരിക മേഖലയിൽ വ്യക്തിമുദ്ര പതിപ്പിച്ച തച്ചങ്ങാട് ബാലകൃഷ്ണന്റെ സ്മരണാർത്ഥം സംഘടിപ്പിക്കുന്ന അഖിലേന്ത്യാ പുരുഷ-വനിതാ വോളി ഫെസ്റ്റിൽ ആവേശകരമായ മത്സരങ്ങൾ കാണാൻ ജനങ്ങൾ ഒഴികിയെത്തി. തച്ചങ്ങാട് ഗവ: ഹൈസ്ക്കൂൾ മൈതാനിയിലെ ഫ്ലെഡ്‌ലൈറ്റ് സ്റ്റേഡിയത്തിലാണ് വൈകുന്നേരം 6 മണിക്ക് മത്സരം.
 രണ്ടാം ദിവസത്തെ മത്സരത്തിൽ വനിതാ വിഭാഗത്തിൽ സതേൺ റെയിൽവേ  1 നെതിരെ 3 സെറ്റുകൾക്ക് സൗത്ത് സെൻട്രൽ റെയിൽവെ യെ പരാജയപ്പെടുത്തി. പുരുഷവിഭാഗത്തിൽ ആദ്യ മത്സരത്തിൽ കെ.എസ്.ഇ.ബി , ഒ.എൻ ജി.സി ഡെറാഡൂണിനെ 3 സെറ്റുകൾക്ക് പരാജയപ്പെടുത്തി.രണ്ടാം മത്സരത്തിൽ മുബൈ സ്പൈക്കേഴ്സ്' 3 സെറ്റുകൾക്ക് സതേൺ റെയിൽവെയെയും പരാജയപ്പെടുത്തി.
   മുബൈ സ്പൈക്കേഴ്സിന്റെയും, കെ.എസ്.ഇ.ബിയുടെയും തുടർച്ചയായ രണ്ടാം വിജയമാണ്. ഇന്ന് വനിതാ വിഭാഗത്തിൽ കേരളാ പോലീസ് കരുത്തരായ സതേൻ റെയിൽവെയുമായി ഏറ്റുമുട്ടും.പുരുഷവിഭാഗത്തിൽ ഓ എൻജി.സി. ഡെറാഡൂൺ ഐ.സി.എഫുമായും. എച്ച്.എസ്.ഐ.ഐ.ഡി.സി ഹരിയാന കൊച്ചിൻ കസ്റ്റംസുമായും ഏറ്റുമുട്ടും.