തച്ചങ്ങാട് വോളി ഫെസ്റ്റ്: ഇന്നത്തെ മത്സരങ്ങള്‍

പള്ളിക്കര: രാഷ്ട്രീയ സാമൂഹിക രംഗത്തെ വ്യക്തിത്വമായ തച്ചങ്ങാട് ബാലകൃഷ്ണന്റെ സ്മരണാർത്ഥം തച്ചങ്ങാട് ഗവ: ഹൈസ്ക്കൂൾ മൈതാനിയിലെ ഫ്ലെഡ് ലൈറ്റ് സ്റ്റേഡിയത്തിൽ നടന്ന വരുന്ന അഖിലേന്ത്യാ പുരുഷ-വനിതാ വോളിബോൾ ടൂർണ്ണമെൻറിൽ ഇന്നലെ നടന്ന മത്സരത്തിൽ വനിതാ വിഭാഗത്തിൽ സതേൻ റെയിൽവെ 2 നെതിരെ 3 സെറ്റുകൾക്ക് കേരളാ പേലീസിനെ പരാജയപ്പെടുത്തി. പുരുഷവിഭാഗത്തിൽ ഒ.എൻ ജി.സി ഡെറാഡൂൺ നേരിട്ടുള്ള സെറ്റുകൾക്ക് ഐ.സി.എഫ് ചെന്നൈയെ പരാജയപെടുത്തി. മറ്റൊരു മത്സരത്തിൽ എച്ച് എസ്.ഐ.ഐ.ഡി.സി ഹരിയാന കൊച്ചിൻ കസ്റ്റംസിനെ നേരിട്ടുള്ള സെറ്റുകൾക്ക് പരാജയപ്പെടുത്തി. കളിക്കാരുമായി ബേക്കൽ സി.ഐ വി.കെ.വിശ്വംഭരൻ പരിചയപ്പെട്ടു.
    ഇന്നത്തെ മത്സരത്തിൽ വനിതാ വിഭാഗത്തിൽ സായി തലശേരി, സതേൻ റെയിൽവെയുമായും, പുരുഷ വിഭാഗ മത്സരങ്ങളിൽ കൊച്ചിൻ കസ്റ്റംസ് സതേൺ റെയിൽവെയുമായും ഐ.സി.എഫ് ചെന്നൈ, ഇന്ത്യൻ നേവിയുമായും മാറ്റുരയ്ക്കും. മത്സരം വൈകുന്നേരം 6 മണിക്ക് ആരംഭിക്കും.