കാസര്‍കോട്: കാസര്‍കോട് നഗര പരിധിയിക്കും ജില്ലയുടെ വിവിധ ഭാഗങ്ങളിലും ഹോട്ടലുകളില്‍ ആരോഗ്യ വിഭാഗത്തിന്റെ പരിശോധനയില്‍ ഇല്ലാത്ത കാര്യങ്ങള്‍ പറഞ്ഞ് ഹോട്ടല്‍ വ്യാപാരികളെ ഒന്നടങ്കം കുറ്റക്കാരാക്കി ചിത്രികരിക്കുന്ന തദ്ദേശ സ്വയംഭരണ വകുപ്പിയും ആരോഗ്യ വകുപ്പിന്റെയും പരിശോധനയില്‍ ഹോട്ടല്‍ ആന്റ് റസ്റ്റോറന്റ് അസോസിയേഷന്‍ ജില്ലാ കമ്മറ്റി പ്രതിഷേധിച്ചു.
ഹോട്ടലുകളിലെ പരിശോധനയെ അസോസിയേഷന്‍ സ്വാഗതം ചെയ്യുന്നു. എന്നാല്‍ ഇല്ലാത്ത കാര്യങ്ങള്‍ പറഞ്ഞ് മാധ്യമശ്രദ്ധ നേടാനാണ് ചില ഉദ്യോഗസ്ഥര്‍ ശ്രമിക്കുന്നത്. റെയ്ഡിന്റെ പേരില്‍ ഫ്രിഡ്ജില്‍ സൂക്ഷിക്കാവുന്ന ഭക്ഷ്യവസ്തുക്കളും എടുത്ത് നശിപ്പിച്ച് ഹോട്ടല്‍ വ്യാപാരികളെ ദ്രോഹിക്കുന്ന നടപടിയാണ് അധികൃതരുടെ ഭാഗത്തു നിന്നും ഉണ്ടാകുന്നത്.
ഹോട്ടല്‍ അസോസിയേഷന്റെ ഭാരവാഹികളുടെ നേതൃത്തില്‍ തന്നെ സ്‌ക്വാഡുകള്‍ ഉണ്ടാക്കി ഹോട്ടലുകളില്‍ പരിശോധന നടത്തുന്നതിന് ആവശ്യമായ നിര്‍ദ്ദേശങ്ങള്‍ അസോസിയേഷന്‍ തന്നെ നല്‍കുന്നുണ്ട്.
പിടിച്ചെടുക്കാന്‍ അധികാരമില്ലാത്തതും, ഒരു പരിശോധനയും നടത്താതെ ഉദ്യോഗസ്ഥര്‍ തന്നെ കാലപ്പഴക്കും നിര്‍ണ്ണയിക്കുന്ന രീതിയെ ഒരു തരത്തിലും ന്യായികരിക്കുവാന്‍ കഴിയില്ലെന്നും, ഇത്തരം നടപടിക്കെതിരെ ശക്തമായി പ്രതിഷേധവുമായി രംഗത്തുവരുമെന്നും ജില്ലാ പ്രസിഡണ്ട് അബ്ദുല്ല താജ്, സെക്രട്ടറി നാരായണ പൂജാരി എന്നിവര്‍ മുന്നറിപ്പ് നല്‍കി.
0 Comments