ടൂത്ത് പേസ്റ്റാണെന്ന് കരുതി എലിവിഷമെടുത്ത് പല്ല് തേച്ച വീട്ടമ്മ മരിച്ചു

ഉ‍ഡുപ്പി: ടൂത്ത് പേസ്റ്റാണെന്ന് കരുതി എലിവിഷം ഉപയോഗിച്ച് പല്ല് തേച്ച സ്ത്രീ മരിച്ചു. കര്‍ണാടകയിലെ ഉഡുപ്പിയിലാണ് സംഭവം. മാല്‍പെ സ്വദേശിയായ വീട്ടമ്മയാണ് മരിച്ചത്. രാവിലെ പല്ല് തേയ്‍ക്കുമ്പോള്‍ അബദ്ധത്തില്‍ പേസ്റ്റിന് പകരം എലിവിഷമാണ് ഇവര്‍ ബ്രഷില്‍ തേച്ചത്. ടൂത്ത് പേസ്റ്റും എലിവിഷത്തിന്‍റെ ട്യൂബും അടുത്തടുത്തായാണ് ഇരുന്നത്. ഇതാണ് അബദ്ധം പറ്റാന്‍ ഇടയാക്കിയതെന്ന് കരുതുന്നു.