അതേസമയം പാലക്കാട്, തൃശൂര്, എറണാകുളം, ഇടുക്കി, കോട്ടയം, ആലപ്പുഴ ജില്ലകളില് ശക്തമായ മഴയ്ക്ക് സാധ്യതയുണ്ടെന്നും കാലാവസ്ഥാ നിരീക്ഷണ കേന്ദ്രം അറിയിച്ചു. ഇതിന്റെ പശ്ചാത്തലത്തില് ഈ ജില്ലകളില് യെല്ലോ അലേര്ട്ടും പുറപ്പെടുവിച്ചിട്ടുണ്ട്.
നാളെ കാസര്ഗോഡ് മുതല് എറണാകുളം വരെയുള്ള ജില്ലകളില് ശക്തമായ മഴ പെയ്യുമെന്നാണ് മുന്നറിയിപ്പ്. കടല് പ്രക്ഷുബ്ധമായതിനാല് മത്സ്യത്തൊഴിലാളികള് മത്സ്യബന്ധനത്തിന് പോകരുതെന്ന് അധികൃതര് നിര്ദ്ദേശിച്ചിട്ടുണ്ട്.
പൊഴിയൂര് മുതല് കാസര്ഗോഡ് വരെയുള്ള കേരള തീരത്ത് 2.5 മുതല് 3.3 മീറ്റര് വരെ ഉയരത്തില് തിരമാലക്കും, കടല് പ്രക്ഷുബ്ധമാകാനും സാധ്യതയുണ്ടെന്ന് ദേശീയ സമുദ്ര സ്ഥിതി പഠന കേന്ദ്രം അറിയിച്ചു. തീരദേശവാസികള് ജാഗ്രത പാലിക്കണമെന്ന് മുന്നറിയിപ്പിൽ വ്യക്തമാക്കുന്നുണ്ട്.
