നീലേശ്വരം : പൊതു സ്ഥലത്ത് മാസ്ക് ധരിക്കാത്തതിനു പിഴയടക്കാനാവശ്യപ്പെട്ടതിന് നീലേശ്വരം സി ഐ പി സുനില്കുമാര്, ഡ്രൈവര് സിപിഒ ആര് കലേഷ് എന്നിവരെ കയ്യേറ്റം ചെയ്ത കേസില് അറസ്റ്റിലായ മൂന്നു പേരില് ഒരാള്ക്ക് കോവിഡ്. മടിക്കൈ ചാളക്കടവ് മണക്കടവ് മങ്കുണ്ടില് ഹൗസിലെ എം രമേശന്റെ (48) കോവിഡ് പരിശോധനാ ഫലമാണ് പോസിറ്റീവ് ആയത്. പുതുക്കൈയിലെ സി അഭിലാഷ് (38), ചിറപ്പുറം മൈമുന മന്സിലിലെ പി വി റാഷിദ് (39) എന്നിവരാണ് കേസില് അറസ്റ്റിലായ മറ്റു രണ്ടു പ്രതികള്. ഹൊസ്ദുര്ഗ് കോടതിയില് ഹാജരാക്കിയ പ്രതികളെ രണ്ടാഴ്ചത്തേക്ക് റിമാന്റ് ചെയ്തു.
കോവിഡ് പോസിറ്റീവ് ആയ രമേശനെ കോവിഡ് ട്രീറ്റ്മെന്റ് സെന്ററില് പ്രവേശിപ്പിച്ചു. മാസ്ക് ധരിക്കാത്തതിന് താക്കീത് ചെയ്ത് പിഴയടക്കാനാവശ്യപ്പെട്ടപ്പോള് മൂന്നു പേരും ക്രൂദ്ധരായി കലേഷിനു നേരെ തിരിയുകയായിരുന്നു. അക്രമം തടയാന് ചെന്നപ്പോഴാണ് സി ഐ ക്ക് നേരെ കയ്യേറ്റമുണ്ടായത്. ഉന്തും തള്ളുമുണ്ടായതോടെ വിവരമറിഞ്ഞ് എസ് ഐ കെ പി സതീഷിന്റെ നേതൃത്വത്തിലുള്ള പോലീസ് സംഘം സ്ഥലത്തെത്തി. ഇതിനിടെ മൂവരും സ്ഥലം വിട്ടെങ്കിലും പോലീസ് രാത്രി തന്നെ തിരഞ്ഞു പിടികൂടി കസ്റ്റഡിയില് എടുക്കുകയായിരുന്നു.
0 Comments:
ഒരു അഭിപ്രായം പോസ്റ്റ് ചെയ്യൂ