LATEST UPDATES

6/recent/ticker-posts

കെഎസ്ആർടിസി ബസിൽ കാഞ്ഞങ്ങാട്ടേയ്ക്കുള്ള യാത്രയ്ക്കിടെ അപമര്യാദയായി പെരുമാറിയ ആളെ പെൺകുട്ടി ഓടിച്ചിട്ട് പിടികൂടി


കാഞ്ഞങ്ങാട്: കെഎസ്ആർടിസി ബസിൽ കണ്ണൂരിൽനിന്ന് കാഞ്ഞങ്ങാട്ടേയ്ക്കുള്ള യാത്രയ്ക്കിടെ അപമര്യാദയായി പെരുമാറിയ ആളെ പെൺകുട്ടി ഓടിച്ചിട്ട് പിടികൂടി. പിഎസ്‌സി കോച്ചിങ് സെന്ററിൽ പോവുകയായിരുന്ന കണ്ണൂർ സ്വദേശിനിയായ ഇരുപത്തിയൊന്നുകാരിയാണ് ശല്യം ചെയ്ത തൃക്കരിപ്പൂർ സ്വദേശി രാജീവിനെ പൊലീസിന് മുൻപിൽ എത്തിച്ചത്. രാജീവിനെ ഹൊസ്ദുർഗ് പൊലീസ് അറസ്റ്റ് ചെയ്തു.

ബസില്‍ നേരിട്ടത് കടുത്ത അപമാനമെന്ന് പെൺകുട്ടി പറഞ്ഞു. ‘സ്വകാര്യഭാഗങ്ങള്‍ കൊണ്ട് ദേഹത്ത് സ്പര്‍ശിച്ചു. ഇയാളുടെ പുറകിൽ രണ്ടുമൂന്നുപേർക്ക് നിൽക്കേണ്ട സ്ഥലമുണ്ടായിരുന്നു. എന്നിട്ടും മാറിയില്ല. ദേഷ്യപ്പെട്ടത് കണ്ട് കണ്ടക്ടർ വന്നു വിവരം തിരക്കി. കണ്ടക്ടർ ഇയാളോട് ഇറങ്ങിപോകാൻ പറഞ്ഞു. ഞാൻ അയാളുടെ പിന്നാലെ ഇറങ്ങിയോടി. ഫോണിലെ ക്യാമറ ഓണാക്കിയിരുന്നു. ആൾക്കാർ കൂടി കാര്യം അന്വേഷിക്കുന്നതിനിടെ പൊലീസിനെ വിവരം അറിയിച്ചു. കേസ് ഫയൽ ചെയ്തിട്ടുണ്ട്.’– പെൺകുട്ടി പറഞ്ഞു.

Post a Comment

0 Comments