അരിക്കൊമ്പന് സമീപത്തായി ഡ്രോൺ പറത്തിയ ആള്‍ പിടിയില്‍. ചിന്നമന്നൂർ സ്വദേശിയായ യൂട്യൂബറെയാണ് പോലീസ് കസ്‌റ്റഡിയിൽ എടുത്തത്. നേരത്തെ ഡ്രോൺ പറത്തിയത് അരിക്കൊമ്പൻ വിരണ്ടോടാൻ കാരണമായിരുന്നു. നിലവിൽ കമ്പത്തെ തെങ്ങിൻ തോപ്പിന് സമീപം നിലയുറപ്പിച്ചിരിക്കുകയാണ് കൊമ്പൻ. ആനയെ പിന്തുടർന്ന വനംവകുപ്പ് ഉദ്യോഗസ്ഥർ പ്രദേശം വളഞ്ഞിരിക്കുകയാണ്.
അതേസമയം, തമിഴ്‌നാടിന്റെ അരിക്കൊമ്പൻ ദൗത്യം നാളെ അതിരാവിലെ തുടങ്ങും എന്നാണ് അറിയിച്ചിട്ടുള്ളത്. അരിക്കൊമ്പൻ പ്രശ്‌നക്കാരനാണെന്നും ഇനിയും ജനവാസമേഖലയിൽ ഇറങ്ങിയാൽ മനുഷ്യജീവന് ഭീഷണിയാകുമെന്നുമാണ് തമിഴ്‌നാട് വനംവകുപ്പിന്റെ ഉത്തരവിൽ പറയുന്നത്.
വൈൽഡ് ലൈഫ് നിയമം1972ന്റെ 11 (എ) വകുപ്പ് പ്രകാരം ആനയെ മയക്കുവെടിവച്ച് ഉൾക്കാട്ടിലേക്ക് മാറ്റാനാണ് നീക്കം. ഡോ. കലൈവാണൻ, ഡോ. പ്രകാശ് എന്നിവർ നേതൃത്വം നൽകുന്ന വെറ്ററിനറി ഡോക്‌ടർമാരുടെ സംഘമാകും അരിക്കൊമ്പനെ മയക്കുവെടി വയ്ക്കുക. മേഘമല, വെള്ളമലയിലെ വരശ് നാട് താഴ്വരയിലേക്കാകും ആനയെ മാറ്റുകയെന്നാണ് സൂചന.
0 Comments