ഉറങ്ങിക്കിടന്ന പിഞ്ചുകുഞ്ഞിന് തെരുവുനായയുടെ കടിയേറ്റ് ഗുരുതര പരുക്ക്

കോട്ടയ്ക്കൽ ഒതുക്കുങ്ങലിൽ വീട്ടിൽ ഉറങ്ങിക്കിടക്കുകയായിരുന്ന 5 മാസം പ്രായമുള്ള കുഞ്ഞിനു തെരുവുനായയുടെ കടിയേറ്റു. മാതാപിതാക്കൾക്കൊപ്പം ബന്ധു വീട്ടിൽ വിരുന്നിനെത്തിയ ഹനി അസീമിനാണ് ഗുരുതരമായി പരുക്കേറ്റത്. മഞ്ചേരി മെഡിക്കൽ കോളജ് ആശുപത്രിയിൽ ചികിത്സയിലാണ്. കുട്ടിയുടെ തലയ്ക്കും, മുഖത്തും, കയ്യിലും, ചെവിയിലും കടിയേറ്റിട്ടുണ്ട്.