യെച്ചൂരിക്കതിരെ അക്രമത്തിന് സാധ്യതയുണ്ടെന്ന് മുന്നറിയിപ്പ് നല്‍കിയിരുന്നുവെന്ന് മുഖ്യമന്ത്രി

ന്യൂഡല്‍ഹി: സി.പി.എം ജനറല്‍ സെക്രട്ടറി സീതാറാം യെച്ചൂരിക്കതിരെ അക്രമത്തിന് സാധ്യതയുണ്ടെന്ന് മുന്നറിയിപ്പ് നല്‍കിയിരുന്നതായി മുഖ്യമന്ത്രി പിണറായി വിജയന്‍. റസിഡന്റ് കമ്മിഷണറും കേരള ഇന്റലിജന്‍സും ഇക്കാര്യം അറിയിച്ചിരുന്നു. എന്നാല്‍ ഇത് കേന്ദ്ര നിയന്ത്രണത്തിലുള്ള ഡല്‍ഹി പോലീസ് അവഗണിക്കുകയായിരുന്നുവെന്നും അദ്ദേഹം പറഞ്ഞു.

ഈ മാസം അഞ്ചിനായിരുന്നു മുന്നറിയിപ്പ് നല്‍കിയിരുന്നത്.സി.പി.എം നേതാക്കള്‍ക്കെതിരെയും എ.കെ.ജി ഭവനും ഭീഷണിയുണ്ടെന്നായിരുന്നു വിവരം ഇക്കാര്യം അപ്പോള്‍ തന്നെ അറിയിക്കുകയും ചെയ്തു.

എന്നാല്‍ അത് അവഗണിക്കുകയായിരുന്നുവെന്നും അദ്ദേഹം പറഞ്ഞു. സംഘപരിവാറിനെ എതിര്‍ക്കുന്നവരെ അക്രമിക്കുക എന്നത് ഭീഷണിയുടെ ഭാഗമാണ്. ഇത് അംഗീകരിക്കാന്‍ ആവില്ലെന്നും അദ്ദേഹം പറഞ്ഞു.